असोज २८, काठमाडौं । चलचित्र प्रसादको दोस्रो गीत ‘बनकी चरी’ सार्वजनिक गरिएको छ । यो गीतमा अञ्जु पन्त र रुपक पौडेलले स्वरमा दिएका छन् । बि।पाण्डेको शब्द रहेको यस गीतमा सुभास भुषालले संगीत दिएका छन् ।
यस अघि सार्वजनिक भएको प्रसादको ‘लै लै’ बोलको गीत दर्शकहरुले निकै रुचाएका थिए । यो म्यूजिक भिडियोमा निश्चल बस्नेत, विपिन कार्की र अञ्जली शर्मालाई फिचरिङ गरिएको छ । सुशिल पौडेलको लेखन रहेको चलचित्रमा लोकेश बज्रर्चायको सम्पादन रहेको छ । दिनेश राउतको निर्देशनमा बनेको यस चलचित्रलाई सुभाष थापाले निर्माण गरेका हुन् । यो चलचित्र मंसिर २१ गतेबाट देशभर प्रर्दशन हुनेछ ।
