काठमाडौं । सोलुखुम्बुमा दुई हेलिकोप्टर ठोक्किँदा घाइते भएका दुई जनालाई उपचारका लागि काठमाडौंस्थित नेपाल मेडिसिटी अस्पताल ल्याइएको छ ।
सोलुखुम्बुको खुम्बु पासाङल्हामु गाउँपालिकास्थित फेरिचे हेलिप्याडमा मङ्गलवार बिहान ८:११ बजे फिस्टेल र डायनेस्टी एयरका हेलिकोप्टर अवतरण गर्ने क्रममा एकआपसमा ठोक्किएका थिए ।
प्रभु हेलिकोप्टरमार्फत पाइलटसहित घाइते दुवैलाई अस्पताल ल्याइएको हो । उनीहरूलाई आवश्यक स्वास्थ्य सेवा उपलब्ध गराइने अस्पतालले जनाएको छ । यस घटनामा ज्यान गुमाएका एक विदेशी पर्यटकको पनि पहिचान भएको छैन ।
