काठमाडौं । देशको ४३औँ प्रधानमन्त्रीका रूपमा राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (बालेन) नियुक्त भएका छन् । शुक्रबार (चैत १३) बिहान राष्ट्रपति रामचन्द्र पौडेलले उनलाई प्रधानमन्त्रीमा नियुक्त गरेका हुन् ।
आजै दिउँसो १२ः३४ बजे उनले पद तथा गोपनीयताको शपथ लिँदै छन् । राष्ट्रपति पौडेलले शीतलनिवासमा एक समारोहबीच उनलाई शपथ गराउनेछन् । यसै दिन मन्त्रिपरिषद् विस्तारको तयारी छ ।
रास्वपा स्रोतका अनुसार, हालसम्म यी १० मन्त्रीको टुंग्याइएको छ । उद्योगमन्त्रीमा अमरेशकुमार सिंह तथा ऊर्जामन्त्रीमा विराजभक्त श्रेष्ठको नाम टुंगो लागेको छ ।
यी हुन् १० मन्त्रीहरू
शिशिर खनाल– परराष्ट्रमन्त्री
स्वर्णिम– अर्थमन्त्री
गृहमन्त्री– सुधन गुरुङ
कानुनमन्त्री– सोविता गौतम
सामान्य प्रशासनमन्त्री– प्रतिभा रावल
महिला बालबालिका– सीता वादी
भौतिक पूर्वाधारमन्त्री– सुनील लम्लास
उद्योगमन्त्री– अमरेशकुमार सिंह
ऊर्जामन्त्री– विराज भक्त श्रेष्ठ
स्वास्थ्यमन्त्री– निशा मेहता
