फाल्गुन १०, काठमाडौं । बौद्ध तथा मेलम्ची घ्याङ गुठिका प्रमुख औतारी धर्मगुरु रिन्पोछे चिनिया लामा भुपती बज्र लामाको सहयोगमा सडक बेसहारा एवम् पेटिमा बसोबास गर्ने नागरिकहरुलाइ न्यानो कपडा तथा भोजन वितरण गरेका छन ।
ल्होसार (नयाँ वर्ष) ता ल्हो (घोडा वर्ग) को अवसरमा धर्मगुरु रिन्पोछे भुपती बज्रको सहयोगमा जोरपाटी नारायणटार पुलदेखी बौद्ध, चाबहिल र गौशालाका विभिन्न क्षेत्रमा सडकपेटिमा बसोबास गरेका अशक्त, जेष्ठ नागरिक र परिवारविहिनलाइ करिव ३० ओटा कम्बल र भोजन वितरण गरेका हुन् ।
बौद्ध महास्तुप लामा गुरु रिन्पोछेले विभिन्न समयमा बालबालिका, जेष्ठ नागरिक तथा विपन्न समुदायलाई सहयोग गराउदै आइरहेका छन। गत बुधबार राति गरिएको वितरण कार्यमा रिन्पोछेका परिवार र बौद्ध तथा मेलम्ची घ्याङ गुठिका पदाधिकारीहरु सहभागी रहेका थिए ।
