सुजन पाख्रिन ।
भदौ १५, काठमाडौँ । सिन्धुपाल्चोक जिल्लाको हेलम्बु गाउँपालिका वडा नं। २ र ३ को सिमनामा अवस्थित धार्मिक तिर्थस्थल सातधारामा हरेक वर्षको भदौ पूर्णिमाको दिन ठुलो मेला लाग्ने गरेको छ ।
भदौ पूर्णिमाको दिन उक्त स्थानमा ठुलो चट्टानी पहरामुनीको ७ ठाउँबाट जल निस्कने गर्दछ । परापूर्वकालदेखि प्राकृतिक रूपमा उत्पन्न भएको त्यस स्थानको सबै जललाई महदेवको प्रर्सादको रूपमा भक्तजनहरुले सेवन गर्ने गरिन्छ । साथै पूर्णिमाको दिन मात्र ७ वटा धाराबाट जल निस्कले भएकोले यो स्थानलाई विशेष रूपमा मान्ने गरिन्छ ।
भदौ पूर्णिमाको दिन मात्र ७ वटा धाराबाट जल निस्किने भएकोले उक्त स्थानमा हेलम्बु गाउँपालिका, मेलम्ची नगरपालिका र पाचँपोखरी थाङ्पाल गाउँपालिकाका श्रद्धालु भक्तजनहरुको भिड् लाग्ने गर्दछ । विभिन्न ठाउँबाट झाँक्री सहित यस स्थानमा दर्शन गर्न आउने गर्दछ ।
