मंसिर १८, काठमाडौँ । दक्षिण सुडानमा तैनाथ श्री चन्दननाथ गण (शान्ति सेना) आठौं डफ्फालाई बदली गर्नको लागि श्री वीरदल गण नवौं डफ्फाको पहिलो टोलीका २१३ जना नेपाली शान्ति सैनिकहरु त्यसतर्फ प्रस्थान गरेका छन् ।
सो टोली प्रमुख सेनानी राजन दाहालको नेतृत्वमा इथोपियन एयरल्याइन्स मार्फत् काठमाडौंबाट मिशन ईलाकातर्फ प्रस्थान गरेका हुन् । संयुक्त राष्ट्रसंघको आव्हानमा शान्ति स्थापना कार्यको लागि नेपाली सेना विगत लामो समयदेखि संसारका विभिन्न मुलुकहरुमा शान्ति स्थापना कार्यमा खटिरहेका छन् ।
साथै, उक्त मिशनमा तैनाथ श्री चन्दननाथ गण आठौं डफ्फाको पहिलो टोलीका २१३ जना शान्ति सैनिकहरु सेनानी गोपाल सिंह बोहराको नेतृत्वमा मंसिर १७ गते सोही विमानबाट स्वदेश फर्केका छन्।
