मंसिर १९, काठमाडौँ । देशभर पछिल्लो २४ घण्टामा २०५ जनामा कोरोना सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार ७ हजार ९९५ पीसीआर र २ हजार ७५२ जनाको एन्टीजेन परीक्षण गर्दा २०५ जनामा कोरोना संक्रमण पुष्टि भएको हो । पछिल्लो २४ घण्टामा ४३६ जना कोरोनाबाट सङ्क्रमणमुक्त भएका छन् ।
हाल देशभर ६ हजार ५०७ जना सक्रिय सङ्क्रमित रहेका छन् । त्यस्तै, गत २४ घण्टामा कोरोनाबाट १ जनाको मृत्यु भएको छ । योसँगै कोरोनाबाट हालसम्म देशभर ११ हजार ५४१ जनाको मृत्यु भएको छ ।
