साउन २६, काठमाडौं । ब्राजिलमा कोरोना संक्रमणका कारण ज्यान गुमाउनेको संख्या १ लाख नजिक पुगेको छ ।
विश्व स्वास्थ्य संगठनका अनुसार हालसम्म ब्राजिलमा ९९ हजार ५७२ कोरोना संक्रमितको मृत्यु भइसकेको छ । यता बीबीसीले भने ब्राजिलमा कोरोनाले ज्यान गुमाउनेको संख्या १ लाख नाघिसकेको जनाएको छ । आइतबार ब्राजिलमा १ हजार ७९ कोरोना संक्रमितको ज्यान गएको छ । ब्राजिलमा २९ लाख ६२ हजार ४४२ जनामा कोरोना संक्रमण देखिसकेको छ । अमेरिका पछि सबैभन्दा कोरोना प्रभावित देश ब्राजिल हो ।
संक्रमणको पहिलो ३ महिनामा ब्राजिलमा ५० हजार कोरोना संक्रमितको मृत्यु भएको थियो । पछिल्लो ५० दिनमा थप ५० हजार संक्रमितको ज्यान गएको छ ।
