असोज १३, रोल्पा । रोल्पामा बस दुर्घटना हुँदा २ जनाको ज्यान गएको छ।
ज्यान गुमाउनेमा लुङ्ग्री गाउँपालिका वडा नं. ३ निवासी २२ वर्षीय चालक यमबहादुर घर्ती र सो गाउँपालिका–२ शिर्प निवासी १९ वर्षीय यात्रु सूर्यलाल जिएम रहेका छन्।
रोल्पाका प्रमुख डिएसपी चित्रबहादुर गुरुङले आशिर्वाद यातायात प्रालिको ग १ ख ५५३७ नम्बरको बस झन्डै २ सय मिटर तल लुङ्ग्री खोलामा खसेको जानकारी दिए ।
घटनाको थप अनुसन्धान भइरहेको प्रहरीले जनाएको छ ।
