असार १९, काठमाडौं । भारत जाने, त्यहीँ पढ्ने अनि केही कमाएर पठाउने। यही आसमा कञ्चपुरका माल परिवारले ६ वर्षअघि छोरालाई बिदाई गरेको थियो।
छोरा फर्किए, अहिले परिवारको होसहवास उडेको छ। गाउँले अचम्भित भएका छन्। कृष्णपुर नगरपालिका–१ दोमिल्लाका सुरेन्द्र माल पहिलेजस्ता रहेनन्। नाम फेरिएको छ, पियंका।
हाउभाउ, चालचलन र पहिरन दुरुस्तै छोरी मान्छेको। लिंगसमेत काटिएको छ। भारत पस्दा १८ वर्षका थिए। त्यहीँ दुई वर्षअघि जबर्जस्ती उनको लिंग काटिएको हो। तेश्रोलिंगीहरुको समूहले लिंग काटिदिएको सुरेन्द्रले बताए।
