मङ्सिर १६, काठमाडौं। दोलखा बिगु २ आरोङकी ३० बर्षीया सुष्मा तामाङ तीन दिनदेखि बेपत्ता भएकी छिन । परिवारका सदस्यका अनुसार उनी बिहीबारदेखि बेपत्ता भएकी हुन ।
आरोङस्थित माईती गएर चरिकोटस्थित डेरा आईपुगेकी उनी एकाएक सम्पर्कविहीन भएको परिवारका सदस्य हेमा लामाले बताईन । माईतीबाट चरिकोट फर्केर डेरा पुगिछिन । केही सामग्री पनि लगेको पाईयो । तर, उनी कहाँ गईन केही पत्तो लाग्न सकेको छैन ।
तीन दिनदेखी उनको मोबाईल फोन पनि स्विच अफ छ, हेमाले भनिन ।
परिवारका सदस्यका अनुसार सुष्माका दुई छोरा छन । उनको श्रीमान चरिकोटमै सामान्य व्यवसाय गरी बस्छन ।
