कात्तिक २०, काठमाडौं । नेपाली कांग्रेस केन्द्रीय कार्यसमितिको बैठकले महासमितिको बैठक तीन साता पछि सार्ने निर्णय गरेको छ ।
मंगलबार पार्टी केन्द्रीय कार्यालय सानेपामा बसेको कार्यसमितिको बैठकले आगामी मंसिर ५ देखि ९ गतेसम्मका लागि तय गरिएको महासमिति बैठकलाई मंसिर २८ देखि पुस ३ गतेसम्म गर्ने निर्णय गरेको हो ।
यस्तै, बैठकले पार्टीको उपसभापतिमा विजयकुमार गच्छदारलाई मनोनीत गर्ने निर्णय पनि गरेको बताइएको छ ।
