कार्तिक ५, काठमाडौँ। भारतले वेस्टइन्डिजविरुद्धको पहिलो एकदिवसीय क्रिकेटमा जित हासिल गर्दै एकदिवसीय सिरिजमा पनि विजयी सुरुवात गरेको छ।
आइतबार भएको खेलमा वेस्टइण्डिजले प्रस्तुत गरेकाे ३२३ रनको लक्ष्य भारतले ४२।१ अाेभरमा २ विकेटकाे क्षतिमा पुरा गर्दै को जित हासिल गरेको हो।
निर्धारित ५० ओभरमा वेस्टइण्डिजले ८ विकेटको क्षतिमा ३२२ रन बनाएको थियो । यसका लागि शिम्रोन हेत्मेयरले सर्वाधिक १०६ रन बनाएका थिए भने कायरन पोवेलले ५१ रनको योगदान दिएका थिए । बलिङतर्फ युज्वेन्द्र चाहलले ३ र रविन्द्र जडेजा तथा मोहम्मद शामीले २–२ विकेट लिए ।
गुआहाटीको बर्सपारा रंगशालामा भएकाे खेलमा भारतले टस जितेर फिल्डिङ रोजेको थियो । ३२३ को लक्ष्य पाएको भारतले जवाफी ब्याटिङ सुरु गरेपछि शिखर धवनलारि सस्तैमा गुमाएकाे थियाे । त्यसपछि अाेपनर राेहित शर्मालाइ साथ दिन अाएका कप्तान काेहलीले शर्मासँग शानदार २४६ रनको साझेदारी गरेका थिए । उनी खेलकाे ३३अाैं अाेभरकाे अन्तिम बलमा व्यक्तिगत १४० रन बनाएर अाउट भए ।
खेलकाे अन्तयसम्म टिकेका अाेपनर राेहित शर्माले नटआउट १५२ रन बनाएका थिए । उनले शानदार छक्कासँगै निर्धारित लक्ष्य भेट्टाएका थिए ।
बलिङतर्फ देवेद्र बिशू र अाेशाने थाेमसले १-१ विकेट लिएका थिए । खेलको म्यान अफ द म्याच कप्तान विराट कोहली बनेका थिए।
