नेकपा एमालेमा उपाध्यक्ष रामबहादुर थापा बादल प्रतिनिधि सभा संसदीय दलको नेतामा चयन भएका छन् ।
इलाम क्षेत्र नम्बर २ बाट निर्वाचित युवा नेता सुहाङ नेम्बाङले चुनावी प्रतिस्पर्धाका लागि चुनौती दिए पनि उनको प्रस्ताव र समर्थक बस्न कोही सांसद तयार नहुँदा बादल सर्वसम्मत भएका हुन् ।
संसदीय दलको नेताको निर्वाचनमा चुनाव माग गरेका युवा नेता सुहाङलाई एक्ल्याएर बादललाई सर्वसम्मत नेता चयन गरिएको हो । सुहाङको पक्षमा उभिएका दुई नेतालाई पनि ब्याक गराउँदै बादललाई एमाले संसदीय फाँटको नेतृत्व दिइएको हो।
एमाले अध्यक्ष केपी शर्मा ओलीको निर्देशनमा उपाध्यक्ष बादल संसदीय दलको नेतामा चयन हुँदा सुहाङका लागि समर्थक र प्रस्तावक नदिएर एक पटक फेरि नेतृत्व परिवर्तनको बहसलाई रोक्ने काम गरिएको छ।
