झापा-५ मा ओली र बालेनसँग भिड्दै रञ्जित

काठमाडौं । फागुन २१ गते हुने प्रतिनिधि सभा निर्वाचनमा झापा–५ मा नेपाली कम्युनिस्ट पार्टीले रञ्जित तामाङलाई उम्मेदवार बनाउने भएको छ ।

नेकपा संयोजक पुष्पकमल दाहाल “प्रचण्ड”ले झापा–५ बाट चुनाव लड्न रञ्जित तामाङलाई टिकट दिएका हुन् । तामाङ नेकपानिकट विद्यार्थी संगठन अखिल क्रान्तिकारीका पूर्वअध्यक्ष हुन् ।

उनले आफूले झापाबाट चुनाव लड्नका लागि टिकट प्राप्त गरेको भिडिओ फेसबुकमा साझा गरेका छन् । उनले लेखेका छन्– ‘नेपाली कम्युनिष्ट पार्टीका संयोजक श्रद्धेय नेता क। प्रचण्डले आगामी फागुन २१ गतेका लागि शुभकामना सहित चुनावी अनुमति प्रदान गर्नुएको छ । नेतृत्वगणलाई आभार सहित झापा क्षेत्र नं. ५ बासी आ मतदातामा चुनाव चिन्ह तारामा मतदान गरी जनसेवाको अवसरका लागि विशेष अपिल गर्दछु ।’