मंसिर १८, काठमाडौं। नेकपा एमालेका अध्यक्ष केपी शर्मा ओलीका लागि निवास बनाउने काम शुरू भएको छ।
एमाले पोलिटब्यूरो सदस्य महेश बस्नेतले बिहीबार सामाजिक सञ्जालमार्फत अध्यक्ष ओलीका लागि निवास बनाउने काम शुरु भएको जानकारी गराउनुभएको छ। जेनजी आन्दोलनका क्रममा गत भदौ २४ गते भक्तपुरको बालकोटस्थित निवास आगजनीमा परेपछि उहाँ गुण्डुमा घर भाडामा लिएर हाल बस्दै आउनुभएको हो। भक्तपुरकै गुण्डुमा उहाँका लागि निवास बनाउने काम समेत शुरू भएको हो।
बिहीबार ओली पत्नी राधिका शाक्यले निवासको शिलान्यास गरेको तस्बिरसहित नेत बस्नेतको सामाजिक सञ्जालमार्फत सार्वजनिक गर्नुभएको छ। सीमित मानिसहरूसँग आर्थिक सहयोग लिएर अध्यक्ष ओलीको नयाँ निवास बनाउन लागिएको बुझिएको छ। अध्यक्ष ओली निवास बनाउन नेता बस्नेतले नै अगुवाइ गरिरहनुभएको हो।
