काठमाडौं । विभिन्न व्यक्तिहरूको फेसबुक ह्याक गरी रकम मागी अनलाइन ठगी गरेको आरोपमा एकजना पक्राउ परेका छन् ।
प्रहरीले भक्तपुरको गठ्ठाघर बस्ने मोरङको पथरी शनिश्वरे नगरपालिका–१०, मंगलबारे घर भएका १८ वर्षीय किशोरलाई पक्राउ गरेको हो । विभिन्न व्यक्तिहरूका फेसबुक आईडी ह्याक गरी आईडीमा भएका व्यक्तिहरूलाई विभिन्न खातामा पैसा पठाउन लगाई अनलाइन ठगी गरेको आरोपमा उनलाई प्रहरीले पक्राउ गरेको हो । उनीविरुद्ध ठगीसम्बन्धी कसुरमा आवश्यक अनुसन्धान तथा कारबाहीका लागि महानगरीय प्रहरी परिसर टेकु पठाइएको महानगरीय अपराध महाशाखाले जनाएको छ ।
