कात्तिक २८, रोल्पा । रोल्पामा जीप दुर्घटना हुँदा तीन जनाको मृत्यु भएको छ ।
माडी गाउँपालिका– ६ हान्निङ भन्ने ठाउँबाट घर्ती गाउँतर्फ जाँदै गरेको रा १ ज ३८२ नम्बरको जिप आइतबार बिहान दुर्घटना हुँदा तीन जनाको घटनास्थलमै मृत्यु भएको रोल्पा प्रहरी प्रमुख डिएसपी नरेशराज सुवेदीले जानकारी दिनुभयो ।
घटनामा घाइते भएका ३ जनाको जिल्ला अस्पताल रोल्पामा उपचार भइरहेको छ । डिएसपी सुवेदीले मृतकको पहिचान भइ नसकेको बताउनुभयो । दुर्घटनाबारे अनुसन्धान भइरहेको प्रहरीले जनाएको छ ।
