साउन १५, मकवानपुर । मकवानपुरको भीमफेदी गाउँपालिका वडा नम्बर ६ मा नेपाल बाल संगठन अन्तरर्गत रहेको भीमफेदी बालगृहका २२ जनामा कोरोना संक्रमण पुष्टि भएको छ ।
शुक्रबार गरिएको एन्टिजेन परिक्षणबाट २२ जनामा संक्रमण पुष्टि भएको हो । बालगृहमा रहेका कर्मचारी र बालबालिकामा गरिएको एन्टिजेन परीक्षणमा २ जना कर्मचारी र २० जना बालबालिका गरि २२ जनामा संक्रमण पुष्टि भएको भीमफेदीका स्वास्थ्य संयोजक रामनाम थिङले बताउनुभयो । कोरोना पुष्टि भएकाहरुलाई अहिले छुट्टै स्थानमा स्थान्तरण गरिएको जनाइएको छ ।
बिहीबार मात्रै बालगृह नजिक रहेको भीमफेदी कारागारका ३५५ कैदीबन्दीलाई कोरोना पुष्टि भएको थियो ।
