असार ७, काभ्रे । । प्रहरीले काभ्रेको बनेपाबाट ६ लाख ५४ हजार ५ सय रुपैयाँसहित ६ जना जुवाडेलाई पक्राउ गरेको छ । बनेपा नगरपालिका–६ स्थित पाँचकुमारी पेट्रोल पम्प रहेको जनक तिमल्सिनाको घरबाट उनीहरु पक्राउ परेका हुन् ।
पक्राउ पर्नेमा ३१ वर्षीय जनक तिमल्सिना, २८ वर्षीय विश्वराज तामाङ, ३५ वर्षीय रामेश्वर केसी, ४० वर्षीय अनिल थापा, ३४ वर्षीय भोला राय र ४२ वर्षीय किरण रञ्जितकार रहेका छन् । उनीहरुविरुद्ध जिल्ला प्रशासन कार्यालयबाट ७ दिनको म्याद थप गरी कारबाही प्रक्रिया अगाडि बढाइएको प्रहरीले जनाएको छ ।
