जेठ ६, काठमाडौं । राजधानीको टोखा नगरपालिकामा सोमबार बिहान गोली चलेको छ ।
३३ वर्षीय विष्णु तामाङलाई नियन्त्रणमा लिन प्रहरीले गोली चलाएको प्रहरीले जनाएको छ । अपराध महाशाखाको टोलीले नियन्त्रणमा लिन खोज्दा प्रहरीलाई हतियार देखाएपछि गोली चलाउन बाध्य भएको प्रहरीले जनाएको छ। घुँडामूनी गोली लागेको तामाङको हाल वीर अस्पतालमा उपचार भइरहेको छ।
तामाङ, पछिल्लो समय ७ वटा ठूला चोरी काण्डमा मुछिएको प्रहरीको आरोप छ । उनी यसअघि पनि पूर्व एआइजी जयबहादुर चन्द र पूर्व डिआइजी विश्वराज सिंह साहीको घरमा लुटपाट गरेको आरोपमा ६ वर्ष जेल सजाय भोगेका थिए ।
