प्रारम्भ खबर ।
फागुन १, काठमाडौं । प्रधानमन्त्री केपी शर्मा ओलीले प्रधानमन्त्री रोजगार कार्यक्रमको शुभारम्भ गरेका छन्। बुधबार राजधानीमा एक कार्यक्रमका बीच प्रधानमन्त्री रोजगार कार्यक्रमको शुभारम्भ गरेका हुन्।
सरकारले १८ वर्षदेखि ५९ वर्षको नेपाली नागरिकलाई स्वरोजगार बनाउने गरी यो कार्यक्रम घोषणा गरेको हो । एक आर्थिक वर्षमा न्यूनतम एक सय दिन हरेक नागरिकलाई रोजगार दिने गरी सरकारले कार्यक्रम ल्याएको हो । यदि कुनै नागरिकले एक सय दिनको रोजगार नपाएमा त्यस्ता व्यक्तिलाई सरकारले एक सय दिन बराबरको निर्वाह भत्ता उपलव्ध गराउने छ । नयाँ कार्यक्रमअनुसार सरकारले कुनै बेरोजगार नागरिकलाई वर्षमा कम्तीमा सय दिन रोजगारी दिने छ ।
